戰前香港供水系統
三軍未動，糧草先行；供水穩定性，更加係糧食系統入面嘅重中之重。今日同大家介紹一幅戰前嘅香港供水地圖。
呢張圖出自 Water Supply: Report and Proposals for Additional Works: 1937 May 18-July 14. May 18-July 14, 1937.
報告中詳細羅列咗戰前香港各個蓄水及配水庫嘅容量，可以令人對香港嘅供水情況一目了然。
好。講完，去圖。
香港填海變遷地圖
今日同大家介紹一張地政總署喺主權移交前出版嘅主題地圖。呢張主題地圖主要介紹嘅香港填海變遷。大家都知道自從文咸填海後，呢樣開拓土地嘅方式就一路冇停過。不過唔講你或者唔知，喺香港，臨海地段 Marine Lots 嘅價值係遠高於內陸地段 Inland Lots。 古時商人以為高價買咗塊 Marine Lot 返來等升值或者做生意都實冇死，結果一填海，自己塊 Marine Lot 就完全見唔到海，價值大打折扣，你話當時嘅人點會唔反對？ 政府會同你講填海係香港開埠以來就一直填海，但就唔會同你講開埠以來嘅填海一直都係爭議不斷。究其本因，都係填海呢個行為，係既打劫未來嘅香港人嘅天然資源，亦打劫當下嘅香港人嘅荷包。 不過，博主一向唔係咩環保撚，政府打劫有錢人嘅荷包都唔關我事；另一個角度思考問題，係唔填海，香港係唔係有魄力去搞仲用得內陸地？ 講完，去 Map
Comments
Post a Comment